وزیر ریلوے کی ریلوے کنسٹرکشن پاکستان لمیٹڈ کو واجبات فوری طور پر ادا کرنے کی ہدایت

وزیر ریلوے محمد حنیف عباسی نے ریلوے کنسٹرکشن پاکستان لمیٹڈ کو واجبات فوری طور پر ادا کرنے کی ہدایت کی ہے۔وفاقی وزیر نے آج اسلا م آباد میں Railcop کی سرگرمیوں اور کارکردگی کے حوالے سے ایک اجلاس کی صدارت کرتے ہوئے کہا کہ وہ مالیاتی نظم و ضبط اور نقد رقم کی ترسیل کو بہتر کرنے کیلئے تمام واجب الادا رقم کی فوری وصولی بھی یقینی بنائے۔اجلاس میں ریل کوپ کے جاری منصوبوں ، مالیاتی امور اور مجموعی کارکردگی کا جائزہ لیا گیا۔حنیف عباسی نے اعلیٰ معیار کو برقرار رکھنے اور کام کی رفتار کو تیز کرنے کی ضرورت پر بھی زور دیا۔

اشتہار