پاکستان اور قطر کا دوطرفہ تعلقات کو وسعت دینے کا عزم

پاکستان اور قطر نے دوطرفہ تعلقات کو وسعت دینے کا عزم کیا ہے ۔وزیراعظم محمد شہباز شریف نے ہفتہ کو امیر قطر شیخ تمیم بن حمد الثانی سے ٹیلیفونک رابطہ کیا۔

وزیراعظم نے عید الاضحیٰ کے موقع پر قطر کے امیر اور برادر عوام کو اپنی پرتپاک مبارکباد اور نیک خواہشات کا پیغام دیا۔

وزیراعظم نے حالیہ بحران کے دوران پاکستان اور بھارت کے درمیان بڑھتی ہوئی کشیدگی کو کم کرنے میں قطر کی فعال سفارت کاری اور تعمیری کردار پر امیر قطر کا شکریہ ادا کیا۔

دونوں رہنماؤں نے دونوں ممالک کے درمیان تعلقات کو بڑھانے کی اپنی مشترکہ خواہش کا بھی اعادہ کیا، خاص طور پر باہمی طور پر فائدہ مند تجارت اور سرمایہ کاری کے ذریعے۔قطر کے امیر نے وزیراعظم کی عید کی مبارکباد کا گرمجوشی سے جواب دیا اور پاکستانی عوام کے لیے نیک تمناؤں کا اظہار کیا۔

اشتہار