شاہین شاہ آفریدی پی ایس ایل ایکس کی ٹیم کے کپتان

اختر علی خان 3 ہفتے پہلےLast Updated: مئی 26, 2025

4 minutes read

پی ایس ایل ایکس میں لاہور قلندرز کو چار سال میں تیسرا ٹائٹل دلانے والے شاہین شاہ آفریدی کو پی ایس ایل ایکس کی ٹیم کا کپتان مقرر کیا گیا ہے۔ ٹیم کا انتخاب کمنٹری ٹیم کے اراکین نے کیا ہے۔

پی ایس ایل 11 اپریل سے 25 مئی تک چار شہروں کراچی، لاہور، ملتان اور راولپنڈی میں کھیلی گئی۔ لاہور کے قذافی سٹیڈیم میں فائنل میں لاہور قلندرز نے کوئٹہ گلیڈی ایٹرز کو چھ وکٹوں سے شکست دی۔

25 سالہ شاہین نے نہ صرف سب سے زیادہ 19 وکٹیں لے کر فضل محمود کیپ حاصل کی بلکہ ایک ایسی ٹیم کی قیادت کررہے ہیں جس میں قلندرز کے اپنے دو ساتھی شامل ہیں۔ سکندر رضا (11 میچز، 254 رنز، 2 نصف سنچریاں اور 10 وکٹیں) اور فخر زمان (13 میچز، 439 رنز، 4 نصف سنچریاں) نے ٹورنامنٹ میں شاندار کارکردگی کی بدولت پی ایس ایل ٹیم میں جگہ حاصل کی ہے۔پی ایس ایل کی ٹیم میں کوئٹہ گلیڈی ایٹرز کے تین کھلاڑی شامل ہیں۔

23 سالہ پاکستان انٹرنیشنل حسن نواز، جنہیں ٹورنامنٹ کا بہترین بیٹر بھی قرار دیا گیا (12 میچز، 399 رنز، ایک سنچری 3 نصف سنچریاں) تجربہ کار آل راؤنڈر فہیم اشرف (12 میچز، 163 رنز، 17 وکٹیں) اور 27 سالہ ابرار احمد (12 میچّز، 17 وکٹیں) شامل ہیں۔

کراچی کنگز، جس نے 22 مئی کو قذافی سٹیڈیم میں ایلیمینیٹر 1 میں قلندرز سے ہارنے سے پہلے پوائنٹس ٹیبل پر تیسری پوزیشن حاصل کی تھی، اس کے بھی تین کھلاڑی اس پی ایس ایل ٹیم میں شامل ہیں۔ کپتان ڈیوڈ وارنر (11 میچز، 368 رنز، 3 نصف سنچریاں) اوپننگ پارٹنر جیمز ونس (378 رنز، ایک سنچری، 3 نصف سنچریاں) تیز بولر حسن علی (10 میچز، 17 وکٹیں) جبکہ خوشدل شاہ (11 میچز، 253 رنز، ایک نصف سنچری اور سات وکٹیں) 12ویں کھلاڑی کے طور پر ٹیم میں شامل کیے گئے ہیں۔

اسلام آباد یونائیٹڈ کے صاحبزادہ فرحان، جنہوں نے 12 میچوں میں ایک سنچری اور 3 نصف سنچریوں کی مدد سے 449 رنز کے ساتھ بیٹنگ میں سرفہرست رہنے پر حنیف محمد کیپ حاصل کی، ٹیم کا حصہ ہیں۔

پی ایس ایل الیون کی لائن اپ کو پشاور زلمی کے نوجوان باصلاحیت فاسٹ باؤلر علی رضا نے مکمل کیا ہے جنہوں نے 9 میچوں میں 12 وکٹیں حاصل کیں۔

پی ایس ایل ایکس الیون: