حاجیوں کے لئے ویکسین کی فراہمی کا آغاز 21 اپریل سے ہوگا،وفاقی وزیر سردار محمد یوسف
وفاقی وزیر مذہبی امور سردار محمد یوسف کی زیر صدارت حج انتظامات کا جائزہ اجلاس میں بتایا گیا ہے کہ حاجیوں کے لئے ویکسین کی فراہمی کا آغاز 21 اپریل سے ہوگا۔یہاں جاری بیان کے مطابق اجلاس میں سیکرٹری مذہبی امور سید عطاء الرحمن سمیت اعلی حکام نے بریفنگ دی جبکہ حاجی کیمپوں میں ویکسین کی فراہمی کے انتظامات اور دیگر سہولیات کا جائزہ لیاگیا۔اس موقع پر وفاقی وزیر نے کہا کہ ضیوف الرحمن کی خدمت کے لیے تمام حاجی کیمپ تیار ہیں،عازمین حج زحمت سے بچنے کے لیے پاک حج ایپ پر دیئے گئے شیڈول کے مطابق حاجی کیمپ آئیں۔
بریفنگ میں بتایا گیا کہ اسلام آباد، لاہور، پشاور، ملتان میں ویکسین کی فراہمی 21 اپریل سے شروع ہو گی، کراچی، رحیم یار خان، سکھر، فیصل آباد اور سیالکوٹ میں 22 اپریل سے ویکسین فراہمی کا آغاز ہو گا۔کوئٹہ کے عازمین حج کو لازمی ویکسین لگانے کا آغاز 23 اپریل سے ہو گا۔رحیم یار خان کا عارضی حاجی کیمپ 22 تا 24 اپریل کام کرے گا۔عازمین کرام متعلقہ حاجی کیمپوں میں لازمی ویکسین، ادویات کی پیکنگ اور حج تحائف وصول کریں گے۔پرواز سے دو دن قبل متعلقہ حاجی کیمپ سے ٹکٹ، ویزہ، شناختی لاکٹ، سٹیکرز اور موبائل سم حاصل کرنا ہو گی۔
