وزیرخزانہ محمد اورنگزیب کی ای سی او کے اقدامات کی حمایت کی یقین دہانی

وزیر خزانہ محمد اورنگزیب نے علاقائی تعاون بڑھانے کیلئے اقتصادی تعاون تنظیم کے مختلف اقدامات کی مکمل حمایت کی یقین دہانی کرائی ہے۔وہ آج (منگل) اسلام آباد میں ای سی او کے سیکرٹری جنرل ڈاکٹر اسد مجید خان سے گفتگو کر رہے تھے۔

ملاقات میں علاقائی اقتصادی تعاون کو مضبوط بنانے پر بات چیت کی گئی۔اقتصادی تعاون تنظیم کے دس رکن ممالک کے درمیان تجارت، معیشت اور سیاحت کو فروغ دینے کیلئے ای سی او کے اقدامات پر تبادلہ خیال کیا گیا۔دونوں رہنماؤں نے علاقائی تجارت اور روابط کو مزید مضبوط بنانے کی ضرورت پر اتفاق کیا جو رکن ممالک کی اقتصادی ترقی کو آگے بڑھانے کیلئے ناگزیر ہیں۔

اشتہار