پاکستان کرکٹ بورڈ کا بڑا فیصلہ: آئی سی سی ویمنز کرکٹ ورلڈ کپ کوالیفائر کے تمام میچز کے لیے قذافی سٹیڈیم میں داخلہ فری
آئی سی سی ویمنز کرکٹ ورلڈ کپ کوالیفائر کے میچز کا باقاعدہ آغاز 9 اپریل سے لاہور میں ہو رہا ہے۔ پاکستان کرکٹ بورڈ نے اعلان کیا ہے کہ شائقین کرکٹ کے لئے قذافی سٹیڈیم کے تمام میچز کے لئے داخلہ فری ہو گا ۔آئی سی سی ویمنز کرکٹ ورلڈکپ کوالیفائنگ راونڈ کے قذافی سٹیڈیم میں مجموعی طور پر 8 میچ کھیلے جائیں گے۔پاکستان اپنا پہلا میچ آئرلینڈ کے ساتھ 9 اپریل کو قذافی سٹیڈیم میں کھیلے گا۔ میچ صبح ساڑھےنو بجے شروع ہوگا جبکہ قذافی سٹیڈیم میں دوسرا میچ آئرلینڈ اور ویسٹ انڈیز کے درمیان 11 اپریل کو صبح 9.30 شروع ہوگا۔قذافی سٹیڈیم میں تیسرا میچ بنگلہ دیش اور آئرلینڈ کے درمیان 13 اپریل کو دوپہر 2 بجے شروع ہوگا۔ قذافی سٹیڈیم میں پاکستان اور ویسٹ انڈیز کے درمیان 14 اپریل کو ڈے اینڈ نائٹ میچ کھیلا جاۓ گا ۔ میچ کا آغاز دوپہر 2 بجے ہو گا۔قذافی سٹیڈیم میں پانچواں میچ بنگلہ دیش اور سکاٹ لینڈ کے درمیان 15 اپریل کو دوپہر 2 بجے شروع ہوگا۔ قذافی سٹیڈیم میں پاکستان اور تھائی لینڈ کے درمیان 17 اپریل کو قذافی سٹیڈیم میں میچ کا آغاز دوپہر 2 بجے ہو گا ۔ قذافی سٹیڈیم میں 7واں میچ آئرلینڈ اورسکاٹ لینڈ کے درمیان 18 اپریل کو دوپہر 2 بجے شروع ہوگا۔قذافی سٹیڈیم میں 8واں اور کوالیفائنگ راونڈ کا آخری میچ تھائی لینڈ اور ویسٹ انڈیز کے درمیان 19 اپریل کو دوپہر 2 بجے شروع ہوگا۔ان تمام میچز کے لئے شائقین کرکٹ کا داخلہ فری ہو گا۔
