لاہور اور اسلام آباد میں شوال کا چاند نظر آگیا

لاہور اور اسلام آباد میں شوال کا چاند نظر آگیا ہے۔شوال کےچاند اور عیدالفطر کا باضابطہ اعلان مرکزی رویت ہلال کمیٹی کرےگی۔شوال کا چاند دیکھنے کے لیے مرکزی رویت ہلال کمیٹی کا اجلاس اسلام آباد میں جاری ہے۔

چیئرمین مرکزی رویت ہلال کمیٹی مولانا عبد الخبیر آزاد مرکزی رویت ہلال کمیٹی کے اجلاس کی صدارت کر رہے ہیں جبکہ زونل رویت ہلال کمیٹیوں کے اجلاس مقررہ شہروں میں ہو رہے ہیں۔

پاکستان میں بوہری کمیونٹی بھی آج عید الفطر منا رہی ہے جبکہ عوامی نیشنل پارٹی کے سربراہ ایمل ولی خان نے بھی آج عید منانے کا اعلان کر رکھا ہے۔دوسری جانب آج سعودی عرب اور متحدہ عرب امارات سمیت مختلف خلیجی ممالک میں عیدالفطر منائی جا رہی ہے جبکہ برطانیہ اور کینیڈا سمیت یورپ کے مختلف ممالک میں عید 31 مارچ کو ہونے کی توقع ہے۔