نیشنل ٹی ٹوئنٹی کپ : فیصل آباد ، اسلام آباد ، سیالکوٹ۔ اور حیدرآباد کی جیت

نیشنل ٹی ٹوئنٹی کپ کے سلسلے منگل کی شب کھیلے گئے میچوں میں فیصل آباد نے راولپنڈی کو 24 رنز سے ، اسلام آباد نے ڈیرہ مراد جمالی کو 68 رنز سے ، سیالکوٹ نے فاٹا کو 7 وکٹوں سے اور حیدرآباد نے ایبٹ آباد کو 7 وکٹوں سے شکست دیدی۔

اقبال اسٹیڈیم فیصل آباد میں فیصل آباد نے راولپنڈی کے خلاف ٹاس جیت کر پہلے بیٹنگ کی اور 20 اوورز میں3 وکٹوں پر207 رنز بنائے۔اویس ظفر نے 6چھکوں اور6 چوکوں کی مدد سے 87 رنز بنائے اور آؤٹ نہیں ہوئے۔ رئیس بٹ نے53 رنز اسکور کیے۔

راولپنڈی کی ٹیم 183 رنز بناکر آؤٹ ہوگئی۔ مہران ممتاز نے51 رنز اسکور کیے۔مومن قمر نے تین وکٹیں حاصل کیں۔

اویس ظفر پلیئر آف دی میچ رہے۔
قذافی اسٹیڈیم لاہور میں اسلام آباد نے ڈیرہ مراد جمالی کے خلاف ٹاس جیت کر پہلے بیٹنگ کرتے ہوئے 7 وکٹوں پر 184 رنز اسکور کیے۔ روحیل نذیر 58 رنز کے ساتھ ٹاپ اسکورر رہے۔

طارق جمیل نے 32 رنز دے کر 4 وکٹیں حاصل کیں۔

ڈیرہ مراد جمالی 6 وکٹوں پر 116 رنز بناسکی۔محمد شاہد 32 رنز بناکر ٹاپ اسکورر رہے۔ارسل شیخ نے 14 رنز دے کر 3 وکٹیں حاصل کیں وہ پلیئر آف دی میچ قرار پائے۔

ایل سی سی اے گراؤنڈ لاہور میں سیالکوٹ نے ٹاس جیت کر فاٹا کو بیٹنگ دی جو 107 رنز بناکر آؤٹ ہوگئی۔محمد نعیم نے39 رنز بنائے۔حسن علی اور اسامہ میر نے بالترتیب 16 اور 19رنز دے کر تین تین وکٹیں حاصل کیں۔

سیالکوٹ نے مطلوبہ اسکور 15 ویں اوور میں 3 وکٹوں کے نقصان پر پورا کرلیا۔محمد ہریرہ 37 رنز بناکر ناٹ آؤٹ رہے ۔ طاہر بیگ نے بھی37 رنز بنائے۔ اسامہ میر پلیئر آف دی میچ قرار پائے۔

اقبال اسٹیڈیم فیصل آباد میں ایبٹ آباد کی ٹیم حیدرآباد۔کے خلاف127 رنز بناکر آؤٹ ہوگئی۔شاہ زیب خان نے 31 رنز اسکور کیے۔کاشف بھٹی۔ جواد بھٹی اور ماجد اصغر نے تین تین وکٹیں حاصل کیں۔

حیدرآباد نے3 وکٹوں پر مطلوبہ اسکور پورا کرلیا۔سعد خان نے43 رنز اسکور کیے۔

اشتہار