چیمپئنز ٹرافی، جنوبی افریقہ نے افغانستان کو 107 رنز سے شکست دیدی
آئی سی سی چیمپئنز ٹرافی کے تیسرے میچ میں جنوبی افریقہ نے افغانستان کو 107 رنز سے شکست دیدی۔316 رنز کے ہدف کے تعاقب میں افغانستان کی پوری ٹیم 43.3 اوورز میں 208 رنز بنا کر پویلین لوٹ گئی، افغانستان کی جانب سے رحمت شاہ 90 رنز کیساتھ نمایاں رہے۔
قبل ازیں نیشنل سٹیڈیم کراچی میں کھیلے گئے میچ میں جنوبی افریقا نے ٹاس جیت کر پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 315 رنز بنائے، ریان ریکیلٹن 103 رنز کیساتھ نمایاں رہے۔جنوبی افریقا کی پہلی وکٹ 5.1 اوور میں 28 رنز کے مجموعی اسکور پر گری جب ٹونی ڈی زورزی 11 رنز بناکر پویلین لوٹ گئے، 157 کے مجموعی اسکور پر ٹمبا باوُوما 58 رنز بناکر آؤٹ ہوئے، جنوبی افریقا کے تیسرے آؤٹ ہونے والی کھلاڑی ریان ریکیلٹن تھے جو 103 رنز کی شاندار اننگز کھیلنے کے بعد رن آؤٹ ہوئے۔
راسی وان ڈیر ڈوسن نے 52 رنز اور ڈیوڈ ملر نے 14 رنز بنائے ، مارکو جانسن صفر پر آؤٹ ہوگئے جبکہ ایڈن مارکرم 52 اور ویان ملڈر 12 رنز کے ساتھ ناقابل شکست رہے۔افغانستان کی جانب سے محمد نبی نے دو کھلاڑیوں کو آؤٹ کیا، فضل حق فاروقی، عظمت اللہ عمر زئی اور نور احمد نے ایک ، ایک وکٹ حاصل کی۔
