وزیر اعلیٰ پنجاب کا عالمی معیار کا ہارس اینڈ کیٹل شو کے انعقاد کا فیصلہ
وزیراعلی مریم نوازشریف کا عالمی معیار کا ہارس اینڈ کیٹل شو کے انعقاد کا فیصلہ، ۔وزیراعلی کی ہدایت پر نیشنل ہارس اینڈ کیٹل شو لاہور 10 فروری سے شروع ہوگا ، 30 سال بعدپہلی بار 70 بین الاقوامی ٹیمیں بھی شو کا حصہ بنیں گی ،وزیراعلی پنجاب مریم نواز شریف 9 فروری کو ”ہارس اینڈ کیٹل شو 2025 کا افتتاح کریں گی ،”ہارس اینڈ کیٹل شو2025“ کا عنوان” اتحاد ، ترقی اور ثقافت کی بحالی“ ہے ۔وزیر اعلیٰ پنجاب مریم نواز شریف نے کہا ہے کہ ہارس اینڈ کیٹل شو کسانوں سمیت پنجاب کے ہر طبقے کے لوگوں کے لئے تحفہ ہے، گھوڑوں اور پالتو جانوروں کے میلے پنجاب کی ثقافت اور زراعت دونوں کے فروغ کا باعث بنیں گے، 30 سال بعد عالمی ٹیموں کی شرکت سے ہارس اینڈ کیٹل شو کو اصل حالت میں بحال کیا ہے، ہارس اینڈ کیٹل شو پنجاب کی زراعت اور ماضی کی درخشندہ روایات کی بحالی، پنجاب اور اس کے عوام سے ہماری محبت کا مظہر ہے،پنجاب کی زراعت اور کسان کی ترقی، مہمان نوازی اور خوبصورت ثقافت اور روایات کا فروغ ہماری اولین ترجیح ہے۔
بین الاقوامی ٹیموں کی شرکت سے ہونے والا ہارس اینڈ کیٹل شو 9 سے 23 فروری 2025 تک لاہور کے مختلف مقامات پر منعقد ہوگا،گھوڑوں اور پالتو جانوروں کے اس روایتی میلے میں کسانوں کو پالتواور مفید جانوروں کی نمائش کا موقع ملتا ہے، انعامات سے اُن کی حوصلہ افزائی کی جاتی ہے،ہارس اینڈ کیٹل شو میں نیزہ بازی، تیراندازی ، بُزکشی، پولو کے مقابلے ہوں گے، گھڑ سوار اپنی صلاحیتوں کا مظاہرہ کریں گے۔ثقافتی تہوار ، پھولوں کی نمائش اور آرائش گُل کے مقابلے بھی منعقد ہوں گی، 13 سے 23 فروری تک بچوں کی دلچسپی کے کھیل اور دیگر تفریحی تقریبات ہوں گی ،پنجاب کے روایتی کھانوں، مشروبات اور موسیقی کے فروغ کے لئے 14 سے 16 فروری موسیقی کے میلے منعقد ہوں گے ،پنجاب کے صوفیوں، بزرگوں کو خراج عقیدت پیش کرنے اور ان کی تعلیمات کو عام کرنے کے لئے 19 فروری کو صوفی فیسٹیول بھی ہوگا ،پنجاب کے روایتی کبڈی کے کھیلوں کے مقابلے 18 اور 19 فروری کوہوں گے،نایاب گاڑیوں کے شوقین افراد کے لئے کار شو 16 فروری کو ہوگا۔پہلی بار 1964 میں نیشنل ہارس اینڈ کیٹل شو ہوا تھا ، آخری بار ’ہارس اینڈ کیٹل شو‘ 1995 میں منعقد ہوا تھا۔
