این بی پی نیشنل اسنوکر چیمپئن شپ کی سیمی فائنل لائن اپ مکمل
ورلڈ اسنوکر چیمپئن محمد آصف،محمد سجاد،اویس منیر اور شاہد آفتاب نے این بی پی 49ویں نیشنل اسنوکر چمپئن شپ کے سیمی فائنل میں جگہ بنا لی۔کوارٹر فائنل میچوں میں،نسیم اختر،سہیل شہزاد،این مارک جون اور عبدلستار کو شکست ہو گئی۔شاہد آفتاب نے نمبر چار سیڈ سہیل شہزاد كو اپ سیٹ شکست دیتے ہوئے چیمپئن شپ سے باہر کر دیا۔محمد آصف نے کوارٹر فائنلز کا واحد سنچری بریک کھیلا۔انہوں نے این مارک جون کے خلاف 110کا بریک لگایا۔ ٹورنامنٹ ڈائرکٹر نوید کپاڈیا کے مطابق نیشنل بینک اسپورٹس کمپلیکس کے اسنوکر ایرینا میں جاری 49ویں این بی پی نیشنل اسنوکر چیمپئن شپ میں جمعرات کو چاروں کوارٹر فائنلز کھیلے گئے۔پہلے کوارٹر فائنل میں پنجاب کے اویس منیرنے سندھ کے عبدالستار کو4-5 سے ہرا دیا۔فریم اسكور16-112، 45-68، 76-36، 58-52، 13-71، 96-27، 27-66، 98-0 اور 64-73 رہا۔ دوسرے کوارٹر فائنل میں پنجاب کے محمد سجادنے پنجاب کے نسیم اختر کو 2-5 سے ہرا دیا،فریم اسکور 87-0، 50-81، 79-20، 22-92، 13-80، 0-74 اور 0-57 رہا۔ تیسرے کوارٹر فائنل میں پنجاب کے شاہد آفتاب نے نمبر چار سیڈ سندھ کے سہیل شہزاد کو4-5 سے ہرا دیا،فریم اسکور فاتح شاہد آفتاب کے حق میں 62-55، 44-55، 09-61، 71-7، 18-98، 66-12، 58-01، 04-56 اور 65-76 رہا۔ چوتھے اور آخری کوارٹر فائنل میں پنجاب کے محمد آصف نے سندھ کے این مارک جون کو1-5 سے شکست دے کر سیمی فائنل میں رسائی حاصل کی۔محمد آصف کے حق میں فریم اسكور 11-119، 57-68، 32-82، 23-80، 69-22 اور 11-68 رہا۔بیسٹ آف 11فریمز پر مشتمل سیمی فائنلز آج کھیلے جائیں گے۔اویس منیر کا مقابلہ محمد سجاد سے اور محمد آصف کا مقابلہ شاہد آفتاب سے ہوگا ۔
