سیاحت اور مہم جوئی سے متعلق دو روزہ شو نیویارک میں شروع

سیاحت اور مہم جوئی سے متعلق دو روزہ شو آج نیویارک میں شروع ہو گیا ہے۔پاکستان کے تجارتی ترقی کے ادارے نے سیاحت کی ترقی کے ادارے اور نیویارک میں پاکستان کے قونصل خانے کے تعاون سے پاکستان پویلین قائم کیا ہے ۔اس پویلین میں تیرہ پاکستانی کمپنیوں ، سیاحت کی ترقی کے صوبائی اداروں اور پی ٹی ڈی سی نے اپنے سٹال لگائے ہیں۔

سیاحت اور مہم جوئی کے شو میں پاکستان پویلین نے بہترین شراکت دار پویلین کا ایوارڈ حاصل کیا ہے ۔قومی سیاحت کے نشان ” سلام پاکستان،، کے بینر تلے پاکستان پویلین کا افتتاح امریکہ میں پاکستان کے سفیر رضوان سعید شیخ اورگلگت بلتستان کے وزیراعلی گلبرخان نے کیا ۔پویلین کا دورہ کرنے والے لوگوں کی بڑی تعداد نے کوہ پیمائی ، مہم جوئی پر مبنی سیاحت اور مذہبی سیاحت میں گہری دلچسپی ظاہرکی۔