قومی
یو این ڈی پی کے وفد کی وزیراعلیٰ خیبرپختونخوا سے ملاقات، فلاحی پروگراموں پر تبادلہ خیال
نگراں وزیراعلیٰ خیبرپختونخوا محمد اعظم خان سے آج پشاور میں اقوام متحدہ کے ترقیاتی پروگرام کے ایک وفد نے ریذیڈنٹ نمائندے سیموئیل رزک کی قیادت میں ملاقات کی۔
ملاقات کے دوران یو این ڈی پی اور صوبائی حکومت کے درمیان خطے میں بالخصوص ضم شدہ قبائلی علاقوں میں ترقی سے متعلق امور پر تبادلہ خیال کیا گیا۔
وزیراعلیٰ نے انضمام شدہ اضلاع میں سیکیورٹی چیلنجز سے نمٹنے کے لیے UNDP سمیت ڈونر ایجنسیوں سے خصوصی توجہ کی ضرورت پر زور دیا۔
انہوں نے صوبے میں امن و امان کو یقینی بنانے کے لیے پولیس فورس کو مضبوط کرنے کی ضرورت پر زور دیا۔
یو این ڈی پی کے نمائندے نے یو این ڈی پی کے منصوبوں پر عملدرآمد کے لیے صوبائی حکومت کے تعاون کو سراہا۔
