سندھ فوڈ اتھارٹی نے خرم شیر زمان کا ریسٹورنٹ سیل کردیا

سندھ فوڈ اتھارٹی نے کراچی کے علاقے صدر میں پاکستان تحریک انصاف (پی ٹی آئی) رہنما خرم شیر زمان کا ریسٹورینٹ سیل کر دیا۔سندھ فوڈ اتھارٹی کا کہنا ہے کہ ریسٹورنٹ صفائی ستھرائی کی ناقص صورت حال اور غیر معیاری خوراک کی فراہمی کی وجہ سے سیل کیا گیا۔ اس کے علاوہ  کراچی کے ضلع جنوبی میں مزید دو ریسٹورینٹ بھی سیل کیے گئے ہیں۔خرم شیر زمان نے اپنے ریسٹورینٹ کی بندش کو انتقامی کارروائی قرار دیتے ہوئے کہا کہ پیپلزپارٹی سیاسی نقصان کےساتھ کاروباری نقصان پہنچانے پر اتر آئی ہے۔انہوں نے درخواست کی کہ انسانی حقوق کمیشن سندھ حکومت کی فسطائیت کا نوٹس لے۔