یمن کے شہر حدیدہ میں گیس سلنڈر دھماکے میں ماں اور 4 بچے جان سے گئے

یمن کے شہر حدیدہ میں گھر میں گیس سلنڈر کے باعث ہونے والے دھماکے کے بعد آتشزدگی سے ماں اور 4 بچے جان کی بازی ہار گئے۔عرب میڈیا رپورٹس کے مطابق ہفتے کی شام حدیدہ کے علاقے “غلیل” میں عدنان المازجاجی نامی شخص کے گھر میں گھریلو گیس سلنڈر پھٹنے سے آگ بھڑک اٹھی جس نے دیکھتے ہی دیکھتے پورے گھر کو اپنی لپیٹ میں لے لیا۔

میڈیا رپورٹس کے مطابق  مقامی افراد کا بتانا ہے کہ گھر سے آگ کے بلند شعلے اٹھتے دیکھے گئے اور سول ڈیفنس کی ٹیمیں آگ بجھانے کے لیے بروقت نہ پہنچ سکیں جس کے باعث جانی و مالی نقصان ہوا۔مقامی افراد کا بتانا ہے کہ گیس سلنڈر پھٹنے کے نتیجے میں گھر میں ہونے والی آتشزدگی سے عدنان المازجاجی کی اہلیہ اور ان کے چار بچے جل کر راکھ ہو گئے۔