12 ربیع الاول کے موقع پر ریسکیو عملہ خوشاب انجینئر حافظ عبدالرشید کی زیر نگرانی مکمل الرٹ رہا

سیکرٹری/ڈائریکٹر جنرل پنجاب ایمرجنسی سروس ڈیپارٹمنٹ ستارہ امتیاز ڈاکٹر رضوان نصیر کی ہدایات پر 12ربیع الاول کے موقع پر ڈسٹرکٹ آفیسر ریسکیوخوشاب انجینئر حافظ عبدالرشید کی زیر نگرانی ریسکیو عملہ نے ضلع بھر میں جلوسوں کے ہمراہ اپنی خدمات سرانجام دیں میڈیکل کوریج کے لئے ضلع بھر میں ریسکیو پوسٹیں بنائی گئیں۔۔۔
تفصیلات بتاتے ہوئے ڈسٹرکٹ آفیسر ریسکیو انجینئر حافظ عبدالرشید نے کہا کہ پنجاب ایمرجنسی سروس ڈیپارٹمنٹ کا عید میلادالنبی ﷺ کے سلسلہ میں مرتب کردہ ایمرجنسی ڈیوٹی پلان کے تحت ریسکیوعملہ،ریسکیو موٹر بائیک اور ایمرجنسی وہیکلز نے ضلع خوشاب کے جلوس کے ساتھ اپنی خدمات سرانجام دیں ۔خوشاب شہر میں جلوس سخی سید معروف دربار سے شروع ہو کر دربار بادشاہ والا پر اختتام ہوا ،اسی طرح جوہرآباد شہر میں جلوس شوگر مل پھاٹک جوہرآباد سے شروع ہو کر مین بازار جوہرآباد میں اختتام پزیر ہوا،مزید تحصیل نوشہرہ، قائدآباد اور نورپور تھل میں بھی عید میلاد النبیﷺ کا دن انتہائی جوش و جذبے اور عقیدت واحترام سے منایا گیا۔ جن کے ہمراہ ریسکیوپوسٹوں پر موجود ریسکیو عملہ اور ریسکیو وہیکلز نے اپنی خدمات سر انجام دیں۔ اس موقع پر ڈسٹرکٹ آفیسر انجینئر حافظ عبدالرشید نے کہا کہ حضوراکرمؑ کی سیرت طیبہ ہمارے لئے بہترین نمونہ ہے۔ حضوراکرمؑ کی سیرت طیبہ پر عمل پیرا ہو ئے بغیر انسان معاشرے میں فلاح نہیں پا سکتا۔

اشتہار