ڈپٹی اسپیکر قومی اسمبلی نے پی ٹی آئی کے 123اراکین کے استعفے منظور کرلئے

 قائم مقام  اسپیکر قومی اسمبلی نے تحریک انصاف کے اراکین کے استعفے منظور  کرلیے۔

قومی اسمبلی کے ڈپٹی اسپیکر قاسم سوری نے بطور قائم مقام اسپیکر پی ٹی آئی کے 123 اراکین کے استعفے منظور کرلیے۔

ٹوئٹر پر جاری  بیان میں قاسم  سوری نے کہا کہ بطور قائم مقام اسپیکر قومی اسمبلی مجھے موصو ل ہونے والے پاکستان تحریک انصاف کے 123 اراکین قومی اسمبلی کے استعفوں کو رولز اور ضابطے کے تحت منظور کرلیا گیا ہے۔

واضح رہےکہ سابق وزیراعظم عمران خان کے خلاف تحریک عدم اعتماد کی کامیابی کے بعد شہباز شریف  کے وزیراعظم بننے پر تحریک انصاف نے قومی اسمبلی سے استعفے دینے کا اعلان کیا تھا۔