اللہ اکبر اللہ اکبر! افطار کے وقت لندن اذان کی آواز سے گونج اٹھا

اللہ اکبر اللہ اکبر! افطار کے وقت لندن اذان کی آواز سے گونج اٹھا، برطانوی دارالحکومت کے سب سے مشہور مقام ٹاور برج پر دی جانے والی اذان کی آواز نے ہر شخص پر سحر طاری کر دیا، ویڈیو سوشل میڈیا پر وائرل۔ تفصیلات کے مطابق یورپی ملک برطانیہ کے دارالحکومت لندن کے سب سے مشہور اور تاریخی مقام ٹاور برج پر دی جانے والی اذان کی ایک ویڈیو سوشل میڈیا پر خاصی وائرل ہوئی ہے۔

بتایا گیا ہے کہ 35 سالہ قاضی شفیق الرحمان نامی برطانوی مسلمان نے بین المذاہب ورچوئل افطار کے موقع پر لندن کے ٹاور برج پر کھڑے ہو کر مغرب کی اذان دی۔ اذان کے بعد مختلف مقامات پر روزہ کھولا گیا۔ اذان کی آواز اس قدر متاثر کن تھی کی لندن برج اور دیگر مقامات پر موجود ہزاروں افراد پر سحر طاری کر دیا۔ جبکہ اذان کی ویڈیو سوشل میڈیا پر وائرل ہونے کے بعد لاکھوں افراد نے موذن قاضی شفیق الرحمان کی دل کھول کر تعریف کی۔