کراچی میں بارش کے باعث سڑکوں پر پھسلن سے موٹرسائیکلیں گرنے کی ویڈیوز وائرل

کراچی میں مون سون بارش کے دوران شہر  میں موٹرسائیکلیں سلپ  ہونے کے کئی واقعات پیش آئے۔

کراچی میں بارش کے دوران شہر کے مختلف مقامات پر پانی کھڑا ہوگیا اور اسی دوران موٹرسائیکلیں پھسلنے کے کئی واقعات ہوئے جس کے نتیجے میں متعدد شہری زخمی بھی ہوئے۔

 اسی دوران کراچی کے ایک پل پر ایک کے بعد ایک موٹر سائیکل کے گرنے کی ویڈیو وائرل ہوگئی جس میں موٹر سائیکلوں کو تیز طوفانی بارش میں توازن برقرار نہ رکھنے کے باعث گرتے دیکھا گیا۔جب کہ اس دوران قریب کھڑے شہریوں  نے گرنے والوں کی مدد کی۔ ان موٹر سائیکلوں کے سلپ ہونے کی کیا وجوہات ہیں اس بارے میں ابھی تک حتمی طور پر کچھ معلوم نہیں ہوسکا ہے، کہا جاتا ہے کہ کراچی میں بارش سے سے قبل مٹی کے طوفان اور بعد میں بارش کی وجہ سے سڑک پر کیچڑ جیسی صورتحال بنی جس کے باعث موٹرسائیکل سلپ ہونے کے واقعات پیش آئے۔