پاکستان نے اقوامِ متحدہ میں مطالبہ کیا ہے کہ انسدادِ دہشت گردی کا نظام بین الاقوامی قانون اور انسانی حقوق کے اصولوں پر مضبوطی سے مبنی ہونا چاہیے۔
اقوامِ متحدہ کے خصوصی نمائندے برائے انسانی حقوق و بنیادی آزادیوں کے تحفظ اور فروغ، بالخصوص انسدادِ دہشت گردی کے اقدامات سے متعلق، کے ساتھ ایک مکالمے میں پاکستان کے کونسلر محمد جواد اجمل نے دہشت گردی کے خلاف جنگ کے ساتھ انسانی حقوق اور بنیادی آزادیوں کے تحفظ کے لیے پاکستان کے عزم کا اعادہ کیا۔
محمد جواد اجمل نے زور دیا کہ دہشت گردی کی تعریف بین الاقوامی قانون سے ہم آہنگ ہونی چاہیے اور اس میں غیر ملکی قبضے کے تحت عوام کے حقِ خودارادیت کے جائز استعمال اور دہشت گردی کے درمیان واضح فرق کیا جانا چاہیے۔
انہوں نے غیر ملکی قبضے کے تناظر میں انسانی حقوق کی خلاف ورزیوں پر تشویش کا اظہار کرتے ہوئے مقبوضہ جموں و کشمیر اور فلسطین کی صورتِ حال کا خصوصی ذکر کیا۔ انہوں نے جبری بے دخلی، آبادکاروں کے تشدد، آبادی کے تناسب میں تبدیلی، من مانی حراست، تشدد اور دیگر غیر انسانی و توہین آمیز سلوک سے متعلق رپورٹس کو بھی اجاگر کیا۔
-
-
-
-
-
-
