پولینڈ کی 25 سالہ ٹینس کھلاڑی ماجا شوالنسکا نے شاندار کم بیک کرتے ہوئے ڈونگ فینگ وویاہ ووہان اوپن 2026 کا ٹائٹل جیت لیا۔
ٹورنامنٹ میں 16ویں سیڈ ماجا شوالنسکا نے فائنل میں عالمی نمبر 170 برطانیہ کی سونے کارٹل کو تین سیٹس کے مقابلے میں 2-6، 6-4 اور 6-2 سے شکست دے کر اپنے کیریئر کا پہلا ٹائٹل حاصل کیا۔ یہ مقابلہ 2 گھنٹے 43 منٹ تک جاری رہا۔
شوالنسکا کو میچ کے پہلے سیٹ میں 2-6 سے شکست کا سامنا کرنا پڑا، جبکہ دوسرے سیٹ میں بھی وہ ایک سیٹ اور ایک بریک سے پیچھے تھیں۔ تاہم، انہوں نے بھرپور واپسی کرتے ہوئے دوسرے سیٹ میں 6-4 سے کامیابی حاصل کی اور مقابلہ فیصلہ کن تیسرے سیٹ میں پہنچا دیا۔
تیسرے سیٹ میں شوالنسکا نے شاندار کھیل کا مظاہرہ کرتے ہوئے آخری چار گیمز مسلسل جیتیں۔ میچ کے لیے سرو کرتے ہوئے انہوں نے تین بریک پوائنٹس بھی بچائے اور 6-2 سے سیٹ جیت کر ٹائٹل اپنے نام کرلیا۔
رواں سال فرنچ اوپن (رولینڈ گیروس) میں فائنل تک رسائی کے بعد شوالنسکا کے لیے سیزن کے اگلے مراحل آسان نہیں رہے، تاہم ووہان میں ان کی حالیہ کارکردگی نے ثابت کیا کہ پیرس میں ان کی کامیابی محض اتفاق نہیں تھی۔
شوالنسکا 2009 میں ڈبلیو ٹی اے 1000 فارمیٹ متعارف ہونے کے بعد اس سطح پر اپنے کیریئر کا پہلا ٹائٹل جیتنے والی چوتھی کھلاڑی بن گئی ہیں۔ ان سے قبل نومی اوساکا نے 2018 میں انڈین ویلز، بیانکا اینڈریسکو نے 2019 میں انڈین ویلز اور وکٹوریہ مبوکو نے 2025 میں مونٹریال میں یہ اعزاز حاصل کیا تھا۔
-
-
-
-
-
-
