اقوام متحدہ کے سیکریٹری جنرل انتونیو گوتریس نے پاکستان کے قائدانہ کردار اور اقوام متحدہ کے امن و ترقی کے ایجنڈے کے لیے مضبوط حمایت کو سراہا ہے۔
انہوں نے یہ بات نیویارک میں اقوام متحدہ میں پاکستان کے مستقل نمائندے سفیر عاصم افتخار احمد سے ملاقات کے دوران کہی۔ سفیر عاصم افتخار نے اقوام متحدہ کے سیکریٹری جنرل سے الوداعی ملاقات کی۔
انتونیو گوتریس نے پاکستان کی ثالثی کی کوششوں اور اقوام متحدہ کی سلامتی کونسل کے موجودہ رکن کی حیثیت سے اس کے کردار کو بھی سراہا۔
اقوام متحدہ کے سیکریٹری جنرل نے عاصم افتخار احمد کو پاکستان کا سیکریٹری خارجہ مقرر ہونے پر مبارکباد دی اور ان کے لیے نیک خواہشات کا اظہار کیا۔
ملاقات میں سفیر عاصم افتخار نے اپنے دورِ ذمہ داری کے دوران سیکریٹری جنرل اور ان کی ٹیم کی جانب سے فراہم کی گئی حمایت پر اظہارِ تشکر کیا۔
انہوں نے اقوام متحدہ کے سیکریٹری جنرل کی قیادت اور کثیرالجہتی نظام، اقوام متحدہ کے چارٹر اور بین الاقوامی قانون کے لیے اصولی حمایت کو بھی سراہا۔
-
-
-
-
-
-
