وزیرِ موسمیاتی تبدیلی مصدق ملک نے موسمیاتی تبدیلی سے درپیش چیلنجز سے نمٹنے کے لیے نوجوانوں کو مقامی اور مقامی نوعیت کے حل تیار کرنے کی ترغیب دینے پر زور دیا ہے۔
مصدق ملک نے آج موسمیاتی تبدیلی کے حوالے سے منعقدہ ایک تقریب سے خطاب کرتے ہوئے کہا کہ نوجوان پاکستان کی امید اور جدید و تخلیقی حل کے علمبردار ہیں۔
انہوں نے نوجوانوں کی تخلیقی صلاحیتوں، انسانی ذہانت اور جدت طرازی میں سرمایہ کاری کی ضرورت پر زور دیا۔ وزیرِ موسمیاتی تبدیلی نے کہا کہ نوجوانوں کی جانب سے تیار کیے جانے والے حل اپنی عالمگیر افادیت کے باعث اربوں ڈالر مالیت کے حل بننے کی صلاحیت رکھتے ہیں۔
مصدق ملک نے موسمیاتی تبدیلی سے پیدا ہونے والے چیلنجز کو بھی اجاگر کیا اور بتایا کہ عالمی سطح پر گرین ہاؤس گیسوں کے اخراج میں پاکستان کا حصہ ایک فیصد سے بھی کم ہے۔
یہ بھی پڑھیے
-
-
-
-
-
-
