یہ دن حضرت امام حسین رضی اللہ تعالیٰ عنہ اور اُن کے جان نثار ساتھیوں کی کربلا میں دی گئی عظیم قربانی کو خراجِ عقیدت پیش کرنے کے لیے منایا جاتا ہے۔
اس موقع پر ملک کے تمام چھوٹے بڑے شہروں میں ماتمی جلوس نکالے جائیں گے۔
علمائے کرام اور ذاکرین اپنے خطابات میں حضرت امام حسینؓ کی روشن تعلیمات اور سانحۂ کربلا کے مختلف پہلوؤں پر روشنی ڈالیں گے۔
دریں اثنا، 9 محرم الحرام کے موقع پر آج بھی ملک بھر میں ماتمی جلوس نکالے جا رہے ہیں تاکہ شہدائے کربلا کو خراجِ عقیدت پیش کیا جا سکے۔
شہدائے کربلا کی یاد میں تعزیے اور ذوالجناح کے جلوس بھی نکالے جا رہے ہیں، جن کا مقصد اسلام کی خاطر دی جانے والی اُن کی بے مثال قربانی کو اجاگر کرنا ہے۔
محرم الحرام کے دوران امن و امان برقرار رکھنے اور کسی بھی ناخوشگوار واقعے سے بچنے کے لیے سیکیورٹی کے خصوصی اور مؤثر انتظامات کیے گئے ہیں۔
-
-
-
-
-
-
