پاکستان۔ چین کا گرین فنانس میں تعاون بڑھانے پر اتفاق

موسمیاتی تبدیلی اور ماحولیاتی رابطے کے وزیر ڈاکٹر مصدق ملک نے آج اسلام آباد میں انسٹی ٹیوٹ آف فنانس اینڈ SUSTAINABILITY چائنا کے صدر MAJUN سے ملاقات کی جس میں گرین فنانس اور پائیدار ترقی کے اقدامات میں تعاون پر تبادلہ خیال کیا۔ملاقات کے دوران، ما جون نے چین کے گرین ایکسلریٹر پروگرام کے بارے میں وفاقی وزیر کو بریفنگ دی، جس کا آغاز دو ہزار سولہ میں ایک متفقہ لائحہ عمل کے تحت پینتیس پالیسی سفارشات کے ساتھ کیا گیا تھا۔فریقین نے مختلف خطوں میں ماحول دوست ٹیکنالوجیز کے عملی استعمال پر بھی تبادلہ خیال کیا۔ملاقات میں مالیاتی عملداری یقینی بناتے ہوئے مقامی صورتحال کے مطابق جدت پر مبنی طریقہ کار اختیار کرنے کی ضرورت پر زور دیا گیا۔