پاکستان کی سرحدی تجارت اور سپلائی چین مستحکم اور فعال

حالیہ عالمی کشیدگی اور بحران کے باوجود پاکستان کی سرحدی تجارت اور سپلائی چین مستحکم اور فعال ہے۔مشرق وسطیٰ اور خلیج میں غیر یقینی صورتحال کے باوجود سوست ڈرائی پورٹ پر پاکستان کی تجارتی سرگرمیاں چوبیس گھنٹے جاری ہیں۔

پاک، چین بارڈر پر موجود سوست ڈرائی پورٹ پاکستان کو مضبوط اور قابل اعتماد تجارتی راستہ فراہم کر رہی ہے۔معاشی ماہرین کے مطابق عالمی کشیدگی کے باوجود پاکستان کی سپلائی چین کا بلا تعطل جاری رہنا ثبوت ہے کہ ملک نے اپنی تجارتی راہداریوں کو موثر پالیسیوں اور حکمتِ عملی کے ذریعے مستحکم رکھا ہے۔