وزیر خزانہ محمد اورنگزیب نے پاکستان کی بدلتی ہوئی معاشی صورتحال کے بارے میں گہر ی آگاہی پیدا کرنے کیلئے بین الاقوامی مالیاتی اداروں کی جانب سے پائیدار سرگرمیوں اور اعلیٰ سطح پر ان کی شمولیت پر زور دیا ہے۔وہ اسلام آباد میں سٹی بینک کے کنٹری آفیسر حبیب یوسف کی قیادت میں ایک وفد سے گفتگو کر رہے تھے۔ملاقات کے دوران خودمختار نظام کے تحت قرضوں کی فراہمی اور حکومت اور سٹی بینک کے درمیان تعاون کے ممکنہ راستوں کا جائزہ لیا گیا۔
وزیر خزانہ نے کہا کہ پاکستان تاریخی طور پر عالمی بینکوں کے لیے ایک اہم مارکیٹ رہا ہے۔انہوں نے مسلسل مصروفیت، ادارہ جاتی عزم اور ملک کی اصلاحات اور مالیاتی ترجیحات کے ساتھ ہم آہنگی کے ذریعے نظام قائم کرنے کی ضرورت پر زور دیا۔ملاقات کے دوران وزارت خزانہ کی ٹیم نے مارکیٹ کے موجودہ حالات اور پاکستان کے بیرونی قرضوں کی صورتحال کا ایک جائزہ پیش کیا۔دونوں فریقوں نے بات چیت کا سلسلہ جاری رکھنے اور قریبی تعاون کی راہیں تلاش کرنے پر اتفاق کیا۔سٹی بینک کی ٹیم نے پاکستان کی مالیاتی حکمت عملی اور وسیع تر اقتصادی مقاصد کی حمایت پر مبنی تعمیری بات چیت پر آمادگی ظاہر کی۔
-
-
-
-
-
-
