پاکستان کا سب سے بڑا ٹیکنالوجی فیسٹیول آئی ٹی سی این ایشیا 2026 ایکسپو سینٹر لاہور میں کامیابی کے ساتھ اختتام پذیر ہوگیا۔ ایونٹ سے متوقع معاشی اثرات 750 ملین امریکی ڈالرسے زائد بتائے جا رہے ہیں، جو پاکستان کی ٹیکنالوجی کی بڑھتی ہوئی اہمیت کو مزید مستحکم کرتے ہیں۔نمائش کا انعقاد ای کامرس گیٹ وے پاکستان نے کیا، جبکہ ٹیک ڈیسٹینیشن پاکستان پریزینٹنگ پارٹنر کے طور پر شامل ہوا۔ ایونٹ اسپیشل انویسٹمنٹ فسیلیٹیشن کونسل (SIFC) کی سرپرستی اور اسپیشل ٹیکنالوجی زون اتھارٹی (STZA) کے اسٹریٹجک تعاون سے منعقد ہوا۔
نمائش میں 800 سے زائد اسٹالز لگائے گئے اور 75 ہزار سے زائد شرکا نے شرکت کی، جن میں غیر ملکی مندوبین، سرمایہ کار اور کاروباری رہنما شامل تھے۔ ایونٹ کے دوران گلگت بلتستان سافٹ ویئر ہا ئوس ایسوسی ایشن اور پریمیئر کیبلزکے درمیان کنیکٹیویٹی میں بہتری کے لیے مفاہمتی یادداشت پر دستخط کیے گئے۔ اسی طرح، چین کے IBI انٹرنیشنل گروپ اور ای کامرس گیٹ وے پاکستان کے درمیان بھی مفاہمتی یادداشت پر دستخط ہوئے۔
نمائش کی نمایاں سرگرمی گلوبل سی آئی ایس او سمٹ رہی، جس میں 50 سے زائد ممالک سے سائبر سیکیورٹی ماہرین شریک ہوئے۔ اس کے علاوہ 3,500 سے زائد عالمی و علاقائی برانڈز نے شرکت کی، جن میں گوگل کروم بک، سام سنگ، ریسیکیورٹی، ہواوے ای کِٹ اور کارننگ شامل ہیں۔ایونٹ کے اختتام پر عمیر نظام، گروپ ڈائریکٹر ای کامرس گیٹ وے گروپ نے کہا کہ آئی ٹی سی این ایشیا 2026 نے ایک بار پھر پاکستان کی عالمی ٹیکنالوجی منزل کے طور پر صلاحیت کو ثابت کیا ہے۔
-
-
-
-
-
-
