وزیرِ داخلہ محسن نقوی اور پنجاب کے وزیر برائے ٹرانسپورٹ و ماس ٹرانزٹ بلال اکبر خان نے راولپنڈی اسلام آباد میٹرو بس سروس کی بہتری کے لیے مشترکہ کوآرڈینیشن کمیٹی تشکیل دینے کا فیصلہ کیا ہے۔یہ فیصلہ اسلام آباد میں دونوں وزراء کے مابین ہونے والی ملاقات میں کیا گیا، جس میں ٹرانسپورٹ سیکٹر میں اصلاحات اور راولپنڈی اسلام آباد میٹرو بس سروس سے متعلق امور پر تفصیلی تبادلہ خیال کیا گیا۔ملاقات کے دوران میٹرو بس سروس کو مزید موثر، جدید اور اسٹیشنز کی حالت کو بہتر بنانے کے مختلف پہلوؤں پر مفصل گفتگو ہوئی۔اس کے علاوہ میٹرو بس روٹ میں توسیع سے متعلق تجاویز بھی زیر غور آئیں۔
وزیرِ داخلہ نے کہا کہ راولپنڈی اسلام آباد میٹرو بس سروس سے روزانہ ہزاروں مسافر استفادہ کرتے ہیں۔دونوں جانب سے عوام کی سہولت اور اسموگ میں کمی کے لیے الیکٹرک ٹرانسپورٹ کی اہمیت پر بھی گفتگو ہوئی۔محسن نقوی نے بتایا کہ اسلام آباد میں تاریخ میں پہلی بار الیکٹرک بسیں متعارف کرائی گئی ہیں اور ان کا دائرہ کار بتدریج بڑھایا جا رہا ہے۔
-
-
-
-
-
-
