وفاقی وزیر داخلہ محسن نقوی نے آج اسلام آباد میں ٹی چوک فلائی اوور، شاہین چوک انڈر پاس اور فیض آباد انٹرچینج کی ری ماڈلنگ کے جاری منصوبوں کا دورہ کیا۔
وزیر داخلہ نے تینوں منصوبوں پر کام کی پیش رفت کا جائزہ لیا اور اطمینان کا اظہار کیا۔ انہوں نے متعلقہ حکام کو ہدایت کی کہ یہ منصوبے ممکنہ حد تک جلد مکمل کیے جائیں۔ ان کا کہنا تھا کہ ان منصوبوں کی تکمیل سے ٹریفک کے بہاؤ میں نمایاں بہتری آئے گی اور دباؤ کم ہوگا۔
چیئرمین سی ڈی اے محمد علی رندھاوا نے وزیر داخلہ کو منصوبوں پر تفصیلی بریفنگ دی۔ انہوں نے بتایا کہ ٹی چوک فلائی اوور کا 80 فیصد کام مکمل ہو چکا ہے اور اسے آئندہ ماہ ٹریفک کے لیے کھول دیا جائے گا۔
یہ بھی پڑھیے
-
-
-
-
-
-
