سکیورٹی فورسز نے شمالی وزیرستان میں دہشتگردی کی بڑی کارروائی ناکام بنادی

سکیورٹی فورسز نے شمالی وزیرستان میں دہشت گردی کی بڑی کارروائی ناکام بنادی،آپریشن میں خودکش حملے کے لیے تیار کی گئی گاڑی تباہ ،3دہشت گرد ہلاک ہوگئے۔

آئی ایس پی آر کے مطابق  24 اکتوبر کو  سکیورٹی فورسز  نے بروقت کارروائی کرتے ہوئے ممکنہ تباہ کن حملے کو ناکام  بنا دیا۔

بھارتی اسپانسرڈ دہشت گردوں کی شمالی وزیرستان کے علاقے جھلر میں گاڑی کے ذریعے خودکش حملے کی تیاری کی اطلاعات ملی تھیں۔

سکیورٹی فورسز نے انٹیلی جنس اطلاعات کی بنیاد  پر بروقت آپریشن کیا۔

آپریشن کے دوران سکیورٹی فورسز نے انتہائی مہارت سے دہشت گردوں کے ٹھکانے کو نشانہ بنایا۔سکیورٹی فورسز کے خودکش حملے کے لیے تیار کی گئی گاڑی تباہ ہوگئی اور 3 دہشت گرد ہلاک ہوگئے۔