بسم اللہ الرحمن الرحیم

قومی

سندھ میں گورنر راج کا کوئی امکان نہیں، شیخ رشید

وزیر داخلہ نے سیکرٹری داخلہ کے ہمراہ امن و امان کے حوالے سے سندھ رینجرز ہیڈ کوارٹر کا دورہ بھی کیا

وفاقی وزیرداخلہ شیخ رشید نے کہا ہے کہ سندھ میں کسی مشن پر نہیں آیا، گورنرراج کا کوئی امکان نہیں، لاء اینڈ آرڈر صوبے کا مسئلہ ہے، امن وامان سے متعلق وزیراعظم کو حقائق پر مبنی رپورٹ پیش کروں گا،پی ٹی آئی میں کوئی گروپ نہیں،عمران خان پانچ سال حکومت کرے گا۔انہوں نے کراچی میں میڈیا سے گفتگو کرتے ہوئے کہا کہ میں کسی مشن پر نہیں ہوں، لاء اینڈ آرڈر صوبے کا مسئلہ ہے، سارے اداروں سے میٹنگ کرکے کل چار بجے بات کروں گا۔

مراد علی شاہ سے میری ذاتی بات ہوئی تھی، وزیراعظم کو حقائق پر مبنی رپورٹ پیش کروں گا۔پی ٹی آئی میں کوئی گروپ نہیں ہے پی ٹی آئی میں ایک ہی گروپ ہے جس نام عمران خان ہے۔انہوں نے کہا کہ رنگ روڈ اور ٹی ایل پی کی کمیٹی بھی بن گئی ہے، ریکوڈک کیس جیتا ہے عمرا ن خان کے دور میں اربوں روپے کا کیس جیتا ہے اس پر میڈیا بات نہیں کررہا۔

انہوں نے کہا کہ سندھ میں کوئی گورنرراج نہیں آرہا، ہم حساس اداروں سے بات کرکے آپریشن کریں گے، وزیر اعظم کو جو رپورٹ پیش کروں گا اس پر فیصلہ عمران خان کریں گے، عمران خان کے دور میں ایک غبارے پھاڑنے والی بندوق کا بھی لائسنس جاری نہیں ہوا۔

کراچی سے منشیات کا صفایا کروں گا۔ اس کی میں ذمہ داری لیتا ہوں۔ انہوں نے کہا کہ عمران خان پورے پانچ سال تُن کے حکومت کرے گا۔وزیراعظم کی ٹیم کا حصہ ہوں،کراچی میں وزیراعظم کے حکم پر آیا ہوں، وزیراعظم کو رپورٹ پیش کردوں گا۔عمران خان کے دور میں ایک غبارے پھاڑنے والی بندوق کا بھی لائسنس جاری نہیں ہوا۔ کراچی سے منشیات کا صفایا کروں گا۔ اس کی میں ذمہ داری لیتا ہوں۔ انہوں نے کہا کہ عمران خان پورے پانچ سال تُن کے حکومت کرے گا۔وزیراعظم کی ٹیم کا حصہ ہوں،کراچی میں وزیراعظم کے حکم پر آیا ہوں، وزیراعظم کو رپورٹ پیش کردوں گا۔

بعد ازاں وزیر داخلہ نے سیکرٹری داخلہ کے ہمراہ امن و امان کے حوالے سے سندھ رینجرز ہیڈ کوارٹر کا دورہ کیا، ہیڈکوارٹرز آمد پر ڈی جی سندھ رینجرز میجر جنرل افتخار حسن چوہدری نے استقبال کیا،اس موقع پر وزیر داخلہ کو رینجرز ہیڈ کوارٹر میں صوبے کی مجموعی امن و امان کی صورتحال پر بریفننگ دی گئی، وزیر داخلہ شیخ احمد کا کہنا تھا کہ عوام کے جان و مال کے تحفظ کے لئے تمام تر ضروری اقدامات اٹھائنگے ۔

یہ بھی پڑھیے

Back to top button