سوات میں کورونا وائرس تیزی سے پھیل رہا ہے اور مثبت کیسوں کی شرح 50 فیصد تک پہنچ گئی ہے۔محکمہ صحت خیبرپختونخوا کی رپورٹ کے مطابق صوبے میں کورونا کے مثبت کیسز کی شرح 7 فیصد ہے، کورونا کیسز کی سب سے زیادہ شرح سوات میں 50 فی صد ہے جب کہ ٹانک میں 43 فیصد اور مردان میں 21 فیصد ہے۔
نیشنل کمانڈ اینڈ آپریشن سینٹر (این سی اوسی) کے مطابق 24 گھنٹوں میں کورونا سے ملک بھر میں 119 افراد جاں بحق ہوئے ہیں۔این سی اوسی کے مطابق اسلام آباد میں کورونا مثبت کیسوں میں بتدریج کمی آئی ہے اور تیسری لہر کے دوران ایک دن میں سب سے کم 204کیس رپورٹ ہوئے ہیں اور شرح پانچ فیصد رہی ہے۔
لاہور میں اب بھی مثبت کیسوں کی شرح تقریباً 16 فیصد ہے جب کہ چوبیس گھنٹوں میں 907 کیس رپورٹ ہوئے، آئی سی یو میں اب بھی ڈھائی سو مریض زیر علاج ہیں۔ پنجاب میں مجموعی شرح 12فیصد سے زیادہ رہی اور 2 ہزار 87 نئے کیسوں کی تصدیق ہوئی۔
-
-
-
-
-
-
